Вино Вино Червененьке

Вино вино червененьке,
Хто ж тя буде пити?
Вино вино червоненькє,    |
Хто ж тя буде пити?       |
Як я піду на ту войну     |(2)
З вояками бити.           |

Як я піду на ту войну,
Може ся не верну,
Як я піду на ту войну,    |
Може ся не верну,         |
Стрелит куля із канона,   |(2)
Лем ся переверну.         |

Як ся дознаш, моя мила,
Же ня куля вбила,
Як ся дознаш, моя мила,   |
Же ня куля вбила,         |
Жебы-с мі білом хусточком |(2)
Голову закрила.           |

Жебы-с за мнов, моя мила, 
Барз не банувала,
Жебы-с за мнов, моя мила, |
Барз не банувала,         |
Бо ты мене з войни домів  |(2)
І так не чекала.          |